“Uzbekistan airways technics” Россия ва Қозоғистон авиакомпаниялари самолетларини таъмир қилади

Тошкент. 9 октябр. ЎзТАГ – “Uzbekistan Airways Technics” авиакомпанияси “VimAvia” (Россия) ва “SCAT” (Қозоғистон) авиакомпаниялари самолетларига техник хизмат кўрсатиш ва таъмирлашни бошлади, дея хабар беради Ўзбек телеграф агентлиги (ЎзТАГ).

“Россиянинг “VimAvia” авиакомпанияси ва қозоғистоннинг “SCAT” авиаташувчиси “Uzbekistan Airways Technics”нинг доимий ҳамкорлари ҳисобланадилар. “SCAT”га қарашди “Boeing 767-300” самолётини A-check шакли бўйича, “VimAvia”га тегишли “Boeing 757”ни C-check шакли бйича техник кўрикдан ўтказиш ва таъмиирлаш ушбу ҳамкорликнинг янги босқичи бўлди”, – деб таъкидлашди миллий авиакомпания матбуот хизматида.

Жорий йилнинг декабрида корхона қошида Boeing билан ҳамкорликда Самолётлар конструкцияларининг композит материаллардан ясалган йирик қисмларини таъмирлаш марказини ишга тушириш режалаштирилмоқда.

“Uzbekistan Airways Technics” корхонаси “Ўзбекистон ҳаво йўллари”нинг техник базаси ҳисобланади ва компания паркида бўлган барча “Airbus A320”, “Boeing 767”, “Boeing 757”, “Ил-76”, “Ил-114” самолётларига хизмат кўрсатиш имкониятига эга.