Uzbekistan Airways ва Boeing компанияси Dreamliner ҳаво кемасининг PR-кампанияси режасини ишлаб чиқадилар
Тошкент. 23 март. ЎзТАГ – Тошкентда Ўзбекистон Миллий авиакомпанияси раҳбариятининг Boeing компаниясининг Европа, Марказий Осиё, Япония ва Океания бўйича маркетинг бўлими минтақавий директори Дэн Невилл билан ишчи учрашуви бўлиб ўтди, деб хабар беради Ўзбек телеграф агентлиги (ЎзТАГ).
“Учрашув америка компанияси ташаббуси билан МАК вакилларига жорий йил сентябрда миллий авиаташувчи томонидан икки Boeing-787-8 Dreamliner авиалайнерларини олиниши муносабати билан реклама-маркетинг кампаниясини тақдим этиш мақсадларида ўтказилди”, - деб таъкидлашди компания матбуот хизматида.
Ўзбек томонига америкалик ҳамкорларнинг биргаликда маркетинг режаси тузиш, PR-кампания уюштириш, реклама видеороликлари ва плакатлари яратиш, ахборот материаллари ишлаб чиқиш бўйича таклифлари тақдим этилди.
Иштирокчилар “Ўзбекистон ҳаво йўллари” замонавий Boeing 787-8 Dreamliner кемаларини олаётган минтақадаги биринчи ва Озарбайжоннинг AzAl авиакомпаниясидан кейинги МДҲдаги иккинчи ширкатлигини таъкидлаб ўтдилар.
Учрашув якунлари бўйича муҳокама қилинган масалалар юзасидан яқиндан алоқаларни йўлга қўйиш ҳақида келишиб олинди.
