Uzcard ишида узилиш бўлганда тизимга 1 млрд сўмлик жарима солинади
Тошкент. 20 декабр. ЎзТАГ – Ўзбекистон милий тўлов тизими Uzcard ишида узилишлар бўлган тақдирда унга 1 млрд сўмлик жарима солинади, деб хабар беради Ўзбек телеграф агентлиги (ЎзТАГ).
Буни кўзда тутган “Тўловлар ва тўлов тизимлари” тўғрисидаги қонун лойиҳаси Қонунчилик ҳужжатлари таъсирини муҳокама қилиш тизими порталига жойлаштирилган.
Қонун лойиҳасида таъкидланишича, агарда тўлов тизими носозлиги тўловлар ва тўлов тизимларига доир қонунчилик талабларининг бузилиши тизимнинг узлуксиз тўлов хизматлари кўрсатишига таъсир кўрсатса, Марказий банк қуйидаги жарималарландан бирини қўллаши мумкин: операторга белгиланган муддатда носозликнинг олдини олиш буйруғини юборади, энг кам иш ҳақининг 5000 баробаригача (1 млрд сўмгача) жарима солади, олти ойгача баъзи операцияларни амалга оширишни чеклайди, уч ойгача лицензияни тўхтатиб қўяди.
Тўлов тизимининг узлуксиз ишлашига таъсир кўрсатадиган бузилишни бартараф этиш талаблари кўп марта бажарилмаган ҳолда Марказий банк биринчи кўрсатма юборилган санадан бошлаб бир йил мобайнида лицензиянинг амал қилишини бекор қилади.
Эслатиб ўтамиз, 2018 йил сентябр ойида UzCard терминаллари, PayMe ва Click тўлов тизимлари ишламай қолган эди. Ҳодиса ортидан Ўзбекистон Марказий банки қонунчиликка ўзгартириш киритишни режалаштираётганини баён қилди. Бу банк назоратчисига чакана тўлов тизимларини назорат қилиш ва тартибга солиш ҳуқуқларини беради.
Сурат манбаи: https://fergana.agency
