“Uzcard” тўлов тизимининг янги логотипи тасдиқланди

Тошкент. 29 декабр. ЎзТАГ – “Uzcard” чакана тўлов тизими Банклараро мувофиқлаштирувчи кенгашининг навбатдаги йиғилишида мазкур тўлов тизимининг янги логотипи тасдиқланди, дея хабар беради Ўзбек телеграф агентлиги (ЎзТАГ).

Ўзбекистон Банклар ассоциациясидан хабар беришларича, янги логотип республика миллий рамзларига хос бўлган ранглар асосида яратилган.

Логотип ҳаворанг фондаги тўғрибурчакнинг ўрта қисмида лотин ёзувидаги “Uzcard” сўзи ҳарфларидан иборат. Биринчи “U” ҳарфи икки элементдан ташкил топган. Биринчи чап элемент қолган шрифтлар каби оқ рангга бўялган, ўнг томондаги элемент эса қизил рангга бўялган бўлиб, пластик карточка чипи қисми образини ўзида жамлаган. Логотипнинг пастги ва юқориги қисмлари юқорига ҳаракатни англатувчи оқ линия билан ажратилган. Қуйи қисм эса яшил фонга бўялган.