Uzgermed Pharm Ўзбекистонда биринчи бўлиб европа сертификатини олди

Тошкент. 3 июнь. ЎзТАГ – “Uzgermed Pharm” Қўшма корхонаси Ўзбекистонда биринчи бўлиб GMP бўйича “CONFIRMATION” европа сертификатини олди, дея хабар беради Ўзбек телеграф агентлиги (ЎзТАГ).
Бундан ташқари, сертификация бўйича “CERT International” ташкилоти ўзбек фармцевтик компаниясига дунёнинг 69 мамлакати тан олинадиган ISO 9001 ва МДҲнинг 11 мамлакатида тан олинадиган O`z DST 2766 2013 (GMP) миллий сертификатини топширди.
“Uzgermed Pharm”мутахассислари ва ходимларининг юқори малакаси ширкатга бирданига GMPга доир европа ва миллий сертификатларни олишга имкон берди. GMP тизимини жорий этиш икки йил вақт эгаллади.
Эслатиб ўтамизки, сертификация бўйича “CERT International” органи “Ўзстандарт” агентлигида O`z DST 2766 2013 (GMP) стандарти бўйича рўйхатга олинган ва Ўзбекистон Соғлиқни сақлаш вазирлигининг Дори воситалари ва тиббий техника сифатини назорат қилиш бўйича бош бошқармаси билан ҳамкорлик қилади.
“Uzgermed Pharm” ҚК МЧЖ эса Тошкент вилояти Чирчиқ шаҳридан узоқ бўлмаган Барданкўл қишлоқчасида жойлашган бўлиб, фармацевтик воситалар ишлаб чиқариш билан шуғулланади.