Uzinfocom марказининг янги директори тайинланди
Тошкент. 15 сентябр. ЎзТАГ – Азиз Муҳитдинов UZINFOCOM Компьютер ва ахборот технологияларини ривожлантириш марказининг директори вазифасини бажарувчи этиб тайинланди. У ушбу лавозимда Ҳусан Исаевнинг ўрнига келди, деб хабар беради Ўзбек телеграф агентлиги (ЎзТАГ).
“Азиз Мухитдинов бунгача Ўзбекистон алоқа ва ахборотлаштириш агентлиги, “Ўзбектелеком” АК, Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси, кейинчалик эса Ўзбекистон Республикаси Ахборот технологиялари ва коммуникацияларини ривожлантириш вазирлигида ишлаган”, - деб хабар беришди марказ матбуот хизматида.
Азиз Муҳитдинов UZINFOCOM Марказида жорий йилнинг май ойидан бошлаб директорнинг биринчи ўринбосари бўлиб ишлаб келаётган эди.
Эслатиб ўтамизки, UZINFOCOM Маркази – иқтисодёт тармоқлари, бошқарув ва ижтимоий соҳа учун компьютерлаштириш ва АКТ жорий этишнинг устивор йўналишларини амалга ошириш мақсадида ташкил этилган давлат унитар корхонасидир.
