UZINFOCOM ўзбек олий ўқув юртлари рейтингини тузди

Тошкент. 19 июн. ЎзТАГ - UZINFOCOM маркази ўзбек олий ўқув юртларининг сайтларига доир илк рейтингини эълон қилиб, уларни ўринларга ажратиб чиқди, дея хабар беради Ўзбек телеграф агентлиги (ЎзТАГ). Рейтинг UZINFOCOMнинг корпоратив блогида эълон қилинган.
Ушбу рейтингда икки олий ўқув юрти – Халқаро Вестминстер Университети Тошкент филиали ва Самарқанд Давлат тиббиёт институти (СамТИ) анча узилиш билан олдинда бормоқда. Хусусан, СамТИ сайтига кирган ҳар бир ташриф буюрувчи ўртача 25 саҳифани кўздан кечирган (уларнинг бари “Масофадан туриб электрон ўқиш” бўлимига киришган), Вестминстер университети сайтида эса бир ташриф буюрувчига тўрттадан саҳифа тўғри келган.
Самарқанд Давлат Чет тиллар университетида ҳар бир ташриф буюрувчи ўртача 40 саҳифани кўрган бўлиб, булар ҳам Чет тилини масофадан ўрганиш бўлимини ўқиганлар.
ОЎЮ сайтларининг учдан икки қисмига кунига 100 оз киши, учдан бирига эса 50тадан кам ташриф буюрувчи кириши маълум бўлди. Демак, улар абитуриентлар учун қизиқарли эмас, у ерда зарур маълумотлар мавжуд эмас ва интерактив хизматлар ҳам йўқ, дейилади UZINFOCOM блогида.