“UzMinda” ўзбек-ҳинд ҚК ишлаб чиқаришни модернизация қилишга корейс инвестицияларини жалб қилади

Тошкент. 9 июл. ЎзТАГ – “UzMinda” ўзбек-ҳинд корхонаси жанубий кореянинг S&T Motiv компанияси билан ишлаб чиқаришни модернизация қилиш ва иккитомонлама ҳамкорликни ривожлантириш бўйича келишув имзолади, деб хабар беради Ўзбек телеграф агентлиги (ЎзТАГ).

“Биз ишлаб чиқарилаётган маҳсулотлар турларини кенгайтириш мақсадида жанубий корейс ҳамкорларимизнинг технология ва инвестицияларини жалб қилиш ниятидамиз. Ҳозирда корхона 21 турдаги автоқисмларни ишлаб чиқармоқда. Аммо келаси йилда янги ускуналар сотиб олиб, GM Uzbekistanнинг янги машиналари учун кенг турдаги автомобил қисмларини ишлаб чиқаришни бошлаш ниятидамиз”, – деб таъкидлади корхона директори Жасурбек Шаропов.

2014 йилда корхона 17,5 млрд сўмлик маҳсулот ишлаб чиқариб, $220 минглик маҳсулот экспорт қилди.

$1= 2560,42 сўм