UZMOBILEнинг GSM тармоғи Тошкент ва Тошкент вилоятида 10 апрелдан ишга тушади
Дата: 10:00, 06-04-2015.
Тошкент. 6 апрел. ЎзТАГ – UZMOBILE компанияси ўзининг янги GSM тармоғини Тошкент ва Тошкент вилоятида 10 апрелдан бошлаб ишга туширади, дея хабар беради Ўзбек телеграф агентлиги (ЎзТАГ) операторнинг расмий сайтидаги маълумотга асосланган ҳолда.
Бундан илгари, тўғрироғи 11 йил давомида “Ўзбектелеком” акционерлик компаниясига тегишли бўлган UZMOBILE CDMA-450 стандартида мобиль алоқа хизматлари кўрсатиб келар эди.
Ўтган йилнинг февралида эса республика президенти қарори билан компанияга миллий мобиль алоқа оператори мақоми берилиб, бутун мамлакат бўйлаб GSM тармоғини ишга туширишга топширилди.
Ушбу режалар 2016-2017 йилларда амалга оширилиши зарур. Айни пайтда компания CDMA-450 EV-DO тармоғини ривожлантиришни ҳам давом этади.
