Uzreport Tv телеканали инглиз премьер-лигасининг энг муҳим ўйинларидан бирини олиб кўрсатади
Дата: 17:39, 13-01-2016.
Тошкент. 13 январ. ЎзТАГ – Uzreport Tv телеканали инглиз премьер-лигасининг “Ливерпул” ва “Арсенал” ўртасидаги энг муҳим ўйинларидан бирини олиб кўрсатади, деб хабар беради Ўзбек телеграф агентлиги (ЎзТАГ).
Тўғридан-тўғри эфир 13 январдан 14 январга ўтар кечаси тошкент вақти билан соат 1.00да бошланади.
Икки машҳур жамоа ўртасидаги ўйин эса жуда муҳим аҳамиятга эга.
Жумладан, 42 очко билан турнир жадвалига етакчилик қилаётган “Арсенал” чемпионликка даъвогарлигини яна бир бор исботлаши зарур. Клопп бошчилигидаги “Ливерпул” эса (30 очко билан 8-ўринда) ўзига ишончни тиклаши зарур. Бунинг учун турнир етакчиси билан ўйин жуда қўл келиши тайин.
