Валерий Гергиев бошчилигидаги “Мариинский” театри Тошкентда икки концерт беради

Тошкент. 13 апрел. ЎзТАГ – Валерий Гергиев бошчилигидаги “Мариинский” театри Тошкентда икки концерт беради, деб хабар беради Ўзбек телеграф агентлиги (ЎзТАГ).

РИА Новостининг театрга асосланиб хабар қилишича, улар 13 ва 14 апрелда ХVI Москва Пасха фестивали олдидан бўлиб ўтади.

Биринчи концерт “Ўзбекистон” халқаро анжуманлар саройида 13 апрел куни бўлиб ўтади. Дастурдан Сергей Прокофьев мусиқаси ўрин олган. Истеъдодли ўзбек пианиночиси Беҳзод Абдураимов ва “Мариинский” театри симфоник оркестри ижросида Прокофьевнинг фортепьяно учун 3-рақамли концерти ижро этилади.

Кейинги куни Алишер Навоий номидаги Давлат академик катта театри саҳнасида балет дастури тақдим қилинади. У Бизе-Шедриннинг бир актли “Кармен-сюита” балети билан бошланади. Бош партияни “Мариинский” театрининг прима-балеринаси Диана Вишнева ижро этади.

Иккинчи бўлимдан “Дон Кихот”, “Оққуш кўли”, “Анна Каренина”, “Шаҳризода” спектаклларидан саҳна ва хореографик чиқишлар ўрин олган.

Саҳна кўринишларида “Мариинка” балетининг Надежда Батоева, Елена Евсеева, Екатерина Чебыкина, Рената Шакирова, Константин Зверев, Игорь Колб, Данила Корсунцев каби солистлари қатнашадилар.

Концертларга Валерий Гергиев бошчилик қилади.