Венгер турнири ўзбекистонлик енгил атлетикачи қизга “кумуш” олиб келди
Дата: 14:41, 08-07-2015.
Тошкент. 8 июл. ЎзТАГ – Енгил атлетика бўйича Ўзбекистон термасининг аъзоси Светлана Радзивил Венгриядаги Гран-при турнирининг кумуш медали совриндори бўлди, деб хабар беради Ўзбек телеграф агентлиги (ЎзТАГ).
Ўзбекистон МОҚ хабар қилишларича, С.Радзивил баландликка сакраш мусобақаларида 1,88 м натижа билан иккинчи ўринни олди.
Székesfehérvár Gyulai istván Memorial-Hungarian Athletics Grand Prix венгер мусобақаларининг ғолиби эса россиялик Ирина Гордеева (1,91) бўлди. Етакчи учликка яна болгариялик Мирела Демира (1,84) ҳам кирди.
