“Восток FM” радиосида Согдиананинг янги дуэт қўшиғи премьераси бўлиб ўтди
Тошкент. 1 август. ЎзТАГ – 29 июлда “Восток FM” радиосида Согдиана ва Тимур Темировнинг “Сен ҳақингда” янги дуэт қўшиғининг премьераси бўлиб ўтди, деб хабар беради Ўзбек телеграф агентлиги (ЎзТАГ).
“Радиодаги “Фиеста” дастури бугунги меҳмонларимизнинг иштирокида бўлиб ўтмоқда. Тимур Темиров ва Согдиана студиямизга барча ишқибозлари учун мусиқий совғаси билан келишди!”, - дейилади Согдиананинг “ВКонтакте”даги расмий саҳифасида.
Тароқ аъзоларининг қўшиқ премьерасига муносабатини бир сўз билан тушунтириш қийин. Уларнинг бир қисми қўшиқни илиқ кутиб олди, бошқалари эса Согдианага “Юрак-магнит” каби яна бир хит қўшиқ зарур деб ҳисоблайди. Яна бир қисми эса хонандага янада таниқлироқ артист билан дуэт ижро қилиш зарур деб билади.
Маълумот ўрнида, “Восток FM” россия FM-диапазонида эфирида дунёнинг 25 тилларида тароналар янгровчи ягона радиостанциядир.
Тимур Темиров – Доғистоннинг Қизилюрт шаҳрида 1975 йилда туғилган муаллиф ва ижрочи. Спорт билан профессионал шуғулланган, футбол дарвозабони бўлган. Кейин бокс билан шуғулланиб, тренерлик қилган. Шансон услубида беш альбом чиқарган. Энг машҳур қўшиқлари “Салам Кавказ”, “Замин устидаги осмон”, “Қизалоғим” кабилардир.
