Xитой Ўзбекистонга IT-технологияларни халқ таълими соҳасига жорий этишга ёрдам беради
Toшкент. 4 ноябрь. ЎзТАГ – Xитой Ўзбекистонга ахборот технологияларни (IT) xaлқ таълими соҳасига жорий қилишга ёрдам беради, деб хабар беради Ўзбек телеграф агентлиги (ЎзТАГ).
"Xaлқ таълими вазирлиги (ХТВ) томонидан Хитойнинг ZTE ва Huawei компаниялари билан бирга "Халқ таълими соҳасига замонавий ахборот-коммуникация технологияларини жорий этиш лойиҳаларини" амалга ошириш бўйича битимлар имзоланди”, - дейилади ХТВ матбуот хизмати хабарида.
Қайд этилганидек, Xитой компаниялари ўз маблағлари ҳисобидан Ўзбекистоннинг бир нечта мактаблари негизида IT ни жорий этиш бўйича лойиҳаларни амалга оширдилар, натижада мактабларда таълим сифати ва бошқарув тизимини яхшилаг учун жорий этилаётган технологияларнинг самарадорлиги баҳоланади.
"Ижобий натижаларга эришилгач, томонлар Хитойдан имтиёзли молиявий ресурсларни жалб қилган ҳолда Ўзбекистоннинг барча мактабларига Хитой компаниялари қарорларини босқичма-босқич жорий этиш имкониятларини ўрганадилар", - дейилади хабарда.
Xусусан, томонлар компьютер синфларини жиҳозлаш, маълумотлар тармоғини узатиш учун виднокузатув ва инфратузилма тизимини яратиш масалалари бўйича ҳамкорлик қилишни режалаштирмоқдалар. Яратилган тизимларнинг узлуксиз ишлаши масалаларига алоҳида эътибор қаратилади.
Шунингдек, ўзбекистонлик мутахассислар Хитойнинг мактаб таълимига замонавий IT-технологияларини жорий этиш бўйича илғор тажрибасини ўрганишлари кутилмоқда.
Сурат манбаи: uzedu.uz
