Яқин беш йилда “Ўзбекэнерго” 19 ГЭСни модернизация қилади

Тошкент. 15 декабр. ЎзТАГ – 2020 йилга қадар “Ўзбекэнерго” ДАК 19 гидроэлектростанцияни модернизация қилиш ва такомиллаштиришни режалаштироқда, дея хабар беради Ўзбек телеграф агентлиги (ЎзТАГ).

“Натижада уларнинг қуввати 118,5 МВтга кўпайиб, қўшимча 600 млн кВт электроэнергия ишлаб чиқаришга имкон беради. Бу орқали 250 млн кубометр табиий газ тежаб қолинади. Ҳозирда компания 28 йирик инвестиция лойиҳаларини амлага оширишни давом эттирмоқда. Улар буғгаз қурилмалари асосида иссиқлик ва электр энергиясини ишлаб чиқаришнинг замонавий технологияларини жорий этиш, амалдаги кўмир эректростанцияларини реконструкция қилиш ҳисобига қаттиқ ёқилғининг ёнилғи-энергетик балансдаги улуши ошириш, шунингдек, 220-500 кВлик электр узатиш линиялари ва таянч подстанциялари қуриш, электр қувватига эҳтиёжи бўлган энергия узелларига электр қуввати етказиб бериш учун 110 кВлик ёпиқ подстанциялар қуриш кабиларни кўзда тутади”, – деб таъкидлашди “Ўзбекэнерго” ДАК матбуот хизматида.