Яқин орада Credit Asia компанияси дўконларида лицензион IT-маҳсулотлар пайдо бўлади

Тошкент. 20 август. ЎзТАГ – Яқин орада Credit Asia компанияси дўконларида “Лаборатория Касперского”, ABBYY ва Eset ширкатларининг лицензион IT-маҳсулотлари пайдо бўлади, деб хабар беради Ўзбек телеграф агентлиги (ЎзТАГ).

Infocom.uz портали маълумотларига кўра, Credit Asia Марказий Осиё дастурий таъминот бозорида етакчилардан бўлган Axoft компанияси билан юқоридаги фирмалар маҳсулотлаирини сотиш ҳақида келишув имзолади.

Келишувга мувофиқ, юқоридаги компаниялар маҳсулотлари Credit Asiaнинг барча дўконларида сотувга чиқарилади.

Axoft компанияси Ўзбекистонда лицензион дастурий таъминот сотиш тажрибасига эга. Credit Asia раҳбариятининг сўзларига кўра, ҳамкорлик катта аҳамиятга эга.

“Биз IT-қароқчиликка қаршимиз ва етакчи дастурий таъминот ишлаб чиқарувчиларининг маҳсулотларини қонуний тарқатишга кўмаклашишга тайёрмиз”, – деб таъкидлашди Credit Asia компаниясида.