Яқин Шарқдаги қуролли можаролар ҳудудларидан 150 дан ортиқ ўзбекистонликлар ўз ватанларига қайтиб келишди
Тошкент. 30 май. ЎзТАГ – 150 дан ортиқ ўзбекистонликлар Яқин Шарқдаги қуролли можаролар ҳудудларидан ўз ватанларига қайтиб келишди, дея хабар беради Ўзбек телеграф агентлиги (ЎзТАГ).
"30 май куни Ўзбекистон президенти Шавкат Мирзиёев топшириғига биноан 156 нафар Ўзбекистон фуқароси, асосан, Яқин Шарқдаги қуролли можаролар ҳудудига алдов йўли билан олиб кетилган хотин-қизлар ва болалар махсус авиарейс орқали Тошкент шаҳрига қайтарилди", - дейилади ТИВ матбуот хизмати хабарида.
Қайд этилганидек, оғир ҳаёт давридан омон қолган барча ватанимизга қайтган ўзбек фуқароларига Ўзбекистон ҳукумати реабилитация ва реинтеграция учун ҳар томонлама ёрдам кўрсатади.
"Уларга тиббий ва психологик ёрдам, таълим ва бошқа ижтимоий дастурлар тақдим этилади. Қутқарилган ватандошлар нормал тинч ҳаётга, шу жумладан, бошпана ва иш билан таъминлаш учун зарур шарт-шароитлар яратилади", - дейилади хабарда.
Ўзбекистон ташқи ишлар вазирлиги, махсус хизматлар ва Ўзбекистоннинг бошқа идоралари ўзбекистонликларни қутқариш бўйича гуманитар миссияни амалга оширдилар. Шунингдек, қатор хорижий давлатлар ва халқаро ташкилотлар, жумладан, Халқаро қизил хоч қўмитаси ва ЮНИСЕФ қўллаб-қувватлади.
"Чет элда турли сабабларга кўра оғир турмуш шароитида қолган юртдошларимизнинг барчаси Ўзбекистон Республикаси ҳимояси остидадир, давлат эса уларнинг ҳуқуқ ва манфаатларини таъминлаш учун барча саъй-ҳаракатларни амалга ошириши муҳим, деб ҳисоблаймиз", - деб якунланади хабар.
Сурат манбаи: uznews.uz
