Яқин уч кунда Ўзбекистонда қорга айланувчи ёмғир ва кучли шамол бўлиши кутилмоқда
Тошкент. 1 феврал. ЎзТАГ – Яқин уч кунда Ўзбекистонда қорга айланувчи ёмғир ва кучли шамол бўлиши кутилмоқда, дея хабар қилинади Гидрометеорология хизмати маркази (Ўзгидромет) сайтида.
“2-4 февралда Ўзбекистон ҳудудид бўйлаб ёғингарчилик бўлиб ўтади, 3 февралда баъзи жойларда кучли ёғингарчилик бўлади (ёмғир, 3-4 февралда қорга айланиш билан). Баъзи жойларда шамол 18-23 м/сгача кучаяди”, - дейилади чоршанба куни тарқатилган хабарда.
Синоптикларнинг маълумотларига кўра, 4-6 февралда ҳаво ҳароратининг кескин пасайиши кутилмоқда.
“4-6 февралда кечаси ҳаво ҳароратининг 7-12° совуққача кескин пасайиши кутилмоқда, кундузи 0-5° совуқ бўлади”, - деб таъкидланади хабарда.
Бундан ташқари, 1-4 февралда республиканинг тоғли ҳудудларида кўчки ҳавфи бор.
Олдин хабар берилгани каби, Ўзбекистон ФВВ SMS-жўнатма орқали Қамчиқ довонида об-ҳаво шароитларининг ёмонлашиш ҳақида маълум қилган эди.