ЯИДХПда Интеллектуал мулк агентлигининг янги хизмати йўлга қўйилди
Тошкент. 22 июл. ЎзТАГ – Ягона интерактив давлат хизматлари порталида (ЯИДХП) Интеллектуал мулк агентлигининг янги хизмати йўлга қўйилди, деб хабар беради Ўзбек телеграф агентлиги (ЎзТАГ).
“Ўзбекистон Республикаси Интеллектуал мулк агентлиги Ягона портал орқали жисмоний ва юридик шахсларга кўрсатиладинган хизматлар рўйхатини товар белгисини рўйхатдан ўтказиш ҳақида гувоҳномани олиш бўйича янги хизмат билан бойитди. Эндиликда гувоҳномани Ягона портал орқали зарур хужжатларни йўллаган ҳолда олиш мумкин”, - дейилади ЯИДХП сайтида жойлаштирилган маълумотда.
Таъкидлаш зарурки, хизмат пулли асосда кўрсатилмоқда.
Аниқлаштирилишича, “кўриб чиқиш натижаларига доир жавоб электрон шаклда фойдаланувчининг Ягона порталдаги шахсий кабинетига ёки порталда рўйхатдан ўтишда кўрсатилган электрон манзилга жўнатилади”.
Эслатиб ўтамизки, бугунги кунда ЯИДХПда 280 турдаги давлат интерактив хизматлари кўрсатилмоқда.
