Янги авлод Chevrolet Spark автомобилининг илк тасвирлари Интернетда эълон қилинди
Дата: 16:13, 12-02-2015.
Тошкент. 12 феврал. ЎзТАГ – Янги авлод Chevrolet Spark автомобилининг илк тасвирлари Интернетда эълон қилинди, дея хабар беради Ўзбек телеграф агентлиги (ЎзТАГ).
Ушбу тасвирлар automail.ru портали томонидан кореянинг Bobaedream нашрига асосланиб эълон қилинди.
Янги Spark эндиликда кўриниши трапеция радиатор панжараси ва янада йирикроқ фараларга эга бўлади. Машина кўп жиҳатдан, хусусан, платформаси ва 75 от кучи ва 1-литр сиғимга эга уч цилиндрли двигатели билан Opel Karl арзон моделига ўхшаб кетади.
Эслатиб ўтамизки, ушбу модель биринчи маротаба Женева автосалонида 2009 йилда тақдим этилган эди. Модель дизайни Daewoo Matiz асосида ишлаб чиқилган.
