Янги “Орзулар лайнери”ни ўзбекистонлик учувчилар бошқаришди
Тошкент. 31 август. ЎзТАГ – “Ўзбекистон ҳаво йўллари”нинг бугун “Тошкент” аэропортига Сиэтлдан (АҚШ) келиб қўнган янги Boeing 787-8 Dreamliner самолётини ўзбекистонлик учувчилар бошқаришди, деб хабар беради чоршанба куни Ўзбек телеграф агентлиги (ЎзТАГ).
Хабар берилишича, янги Boeing 787-8 Dreamliner Сиэтлдан Тошкентга Миллий авиакомпания учувчи-инструктори Иосиф Зак, янги учиш отряди сардори Boeing 787 Асаджон Турсунов ва авиакомпания бош штурмани Станислав Гурфинкеллар бошқарувида учиб келди.
“Учиш 12 минг метр баландликда соатига 1 минг км тезликда кечди, деярли 11 минг кмни 11 соат 15 дақиқада босиб ўтдик”, - деди С.Гурфинкель интервьюда. - Самолёт жуда хавфсиз ва замонавийдир”.
Штурманнинг сўзларига кўра, Boeing 787-8 Dreamliner тезроқ учади. Гурфинкелнинг фикрига кўра, масалан, ушбу маршрутда Boeing 767 яна 40-50 дақиқа кўпров вақт сарфлаган бўлар эди. Шунингдек, учоқ 10-15% кам ёқилғи сарфлайди.
АҚШнинг Ўзбекистондаги элчиси Памела Спратленнинг таъкидлашича, “Орзулар лайнери” Ўзбекистон ва АҚШ муносабатлари ривожининг рамзи ҳамдир.
Эслатиб ўтамизки, 2016 йилда “Ўзбекистон ҳаво йўллари” МАК ва Boeing корпорацияси ҳамкорликларининг 20 йиллигини нишонлайдилар.
