Янгидан сайланган Ўзбекистон президентининг инаугурацияси 10 апрелда бўлиб ўтади

Тошкент. 9 апрел. ЎзТАГ - Янгидан сайланган Ўзбекистон президенти Ислом Каримовнинг инаугурацияси 10 апрелда бўлиб ўтади, дея хабар беради Қозоқ телеграф агентлиги (КазТАГ).

“Ўзбекистон президенти И.Каримовнинг инаугурацияси 10 апрелда бўлиб ўтади”, - деб ёзмоқда маҳаллий ОАВ Ўзбекистон МСК вакилига асосланган ҳолда.

Қонунчиликка мувофиқ, Ўзбекистон президенти парламент йиғилишида, сайлов натижалари расман эълон қилинганидан кейин 2 ойдан ошмаган муддатда лавозимига ўтиради.

Ўтган душанба куни МСК 29 мартда ўтказилган сайловнинг якунларини эълон қилган эди. Унда И. Каримов 90,39% овоз олди. МСК маълумотларига кўра, овоз бериш ҳуқуқига эга бўлган 20,798 млн сайловчидан сайловларда 18,942 млн киши қатнашган. Сайловлар 9058 сайлов участкаларида, шу жумладан, Ўзбекистоннинг 36 мамлакатдаги 44 ваколатхоналарида бўлиб ўтди.

Ўзбекистондаги 4- навбатдаги президент сайловларида 4 номзод иштирок этди. Хусусан, сайловларда Ўзбекистон Либерал-демократик партиясидан қатнашган (ЎзЛиДеП) Ислом Каримов 90,39% овоз, Ўзбекистон Халқ демократик партиясидан қатнашган Ҳотамжон Кетмонов 2,92% овоз, Ўзбекистон “Миллий тикланиш” демократик партиясидан қатнашган Акмал Саидов 3,08% овоз, Ўзбекистон “Адолат” социал-демократик партиясидан қатнашган Наримон Умаров 2,05% овоз олдилар.