Япон ишбилармон доиралари делегацияси Ўзбекистонда ташриф билан бўлиб турибди

Тошкент. 10 октябр. ЎзТАГ – Ўзбекистонга япон ишбилармон доиралари делегацияси икки кунлик ташриф билан келди, деб хабар беради Ўзбек телеграф агентлиги (ЎзТАГ) душанба куни.

“Ташрифдан кўзланган мақсад – Ўзбекистондаги инвестицион муҳит, истеъмол бозори салоҳиятини ўрганиш, шунингдек, ўзбек компаниялари билан узоқ муддатли алоқаларни ўрнатишдан иборат”, - деб таъкидлашди Япония Ташқи савдони ривожлантириш ташкилотида (JETRO).

Япон делегацияси таркибидан қурилиш материаллари, электроника, электр хўжалик техникалари, озиқ-овқат саноати, канцелярия маҳсулотларини ишлаб чиқариш соҳасида фаолият кўрсатаётган компаниялар ҳамда Халқ истеъмоли маҳсулотлари экспорти агентлиги (FMCG) вакиллари ўрин олган.

Ташриф доирасида ўзбек ва япон тадбиркорлари ўртасида кооперацион биржа ўтказиш белгиланган.

Эслатиб ўтамизки, бу Кунчиқар мамлакати тадбиркорларининг илк ташрифи эмас. Худди шундай кооперацион биржаси 2014 йилда ҳам бўлиб ўтган эди.