Япония ТИВ матбуот котиби Синдзо Абэнинг Тошкентга ташрифи асосий якунларини маълум қилди
Тошкент. 27 октябр. ЎзТАГ – Япония бош вазири Синдзо Абэ Ўзбекистонга ташрифи доирасида 7 ҳамкорлик режалари бўйича келишувлар имзоланди, деб хабар беради Ўзбек телеграф агентлиги (ЎзТАГ).
Бу ҳақида Япония ТИВ матбуот котиби Ясухиса Кавамура 25 октябрда ташриф якунларига бағишланган учрашувда маълум қилди.
Улар орасида япон томонининг Навоийдаги кўптармоқли тиббий марказни $5 млнга жиҳозлагани ҳам бор. Бундан ташқари, Тошкент давлат техника университетида Технологик инновациялар маркази ташкил қилиш режалаштирилмоқда. Ушбу лойиҳалари Япония ҳукумати билан бирга барпо этилмоқда.
Яна бир лойиҳа орқали Навоийда кимёвий ўғитлар заводи қурилади. Бунинг учун Япония ҳукумати йенада кредит ажратади. Кредит Япон халқаро ҳамкорлик банки томонидан берилади.
Шунингдек, Ўзбекистоннинг нефт мавжуд ҳудудларида биргаликда геология-қидирув ишлари ўтказиш режалаштиримоқда. Бу иш “Ўзбекнефтегаз” МХК билан амалга оширилади.
Шунингдек, пойтахтдаги марказий иссиқлик тизимини реконструкция қилишга келишиб олинди. Бунинг учун Япония ҳукумати йенада кредит ажратади.
“Мзокаралар якунлари бўйича икки хужжат имзоланди. Биринчиси – давлат раҳбарларининг қўшма баёноти бўлиб, у ҳамкорликни ривожлантиришга қаратилган. Иккинчи хужжат маданий ва гуманитар ҳамкорликка қаратилган”, - деди Я.Кавамура.
Ўзбек расмий манбаларига кўра, музокаралар якунлари бўйича энергетика, илм-фан, соғлиқни сақлаш соҳаларидаги ҳамкорликни ривожлантиришга доир қатор ҳужжатлар имзоланди. Энергетика ва транспорт тизимини модернизация қилиш, минерал-хомашё ресурсларини ўзлаштириш ва қайта ишлаш, автомобилсозлик, нефть-газ ва кимё саноати, телекоммуникация ва бошқа замонавий соҳаларда $8,5 млрддан ортиқ қийматдаги қўшма инвестицион лойиҳаларни амалга ошириш бўйича келишувларга эришилди.
