Япония Ўзбекистон билан стратегик ҳамкорликни мустаҳкамлаш ниятида
Тошкент. 19 декабр. ЎзТАГ – Япония Ўзбекистон билан стратегик ҳамкорликни тўхтовсиз мустаҳкамлаш ниятида, деди Япониянинг Ўзбекистондаги элчиси Нобуаки Ито, деб хабар беради Ўзбек телеграф агентлиги (ЎзТАГ).
“14 декабрда Шавкат Мирзиёев расман Ўзбекистон президенти вазифасини бажаришга киришди. Япония элчиси сифатида самимий табригимни йўллайман. Япония Президент Мирзиеёв даврида Ўзбекистон билан стратегик ҳамкорликни тўхтовсиз мустаҳкамлаш ниятида. Шу билан бирга мен президент Мирзиёевнинг тез орада Японияга ташриф буюришини истайман”, - деди Н.Ито Тошкентда Япония Императорнинг Таваллуд кунига бағишланган тантанали тадбирда.
Элчи турли даражадаги ҳамкорлик фаоллашаётгани ҳақида ҳам гапириб ўтди.
“Энергетик тармоқда япон компанияларининг Навоий ва Турақўрғон иссиқлик электростанцияларини модернизация қилишдаги иштирокига доир қарорни таъкидлаб ўтган бўлар эдим. Фарғонада Янги энергетик ва саноат технологиялари япон ташкилоти (NEDO) замонавий когенерацион газбуғ қурилмаларини ўрнатиш лойиҳаси бошланди”, - деб таъкидлади у.
Шунингдек, элчи грант лойиҳалари, техник ҳамкорлик, соғлиқни сақлаш, таълим, маданият, спорт ва бошқа соҳалардаги ҳамкорлик ҳам давом эттирилишини айтиб ўтди.
