Япониядаги аукционда икки қовун деярли $25 мингга сотилди
Тошкент. 23 май. ЎзТАГ – Япониянинг Хоккайдо оролига қарашли Юбари шаҳрида етиштирилган иккита олий навли қовун Саппорода бўлиб ўтган аукционда тахминан $24,6 мингга сотилди, дея хабар беради Ўзбек телеграф агентлиги (ЎзТАГ) япон ОАВга асосланган ҳолда.
“Умид қиламанки, қовунлар одамларнинг Хоккайдода етиштирилган маҳсулотларга қизиқишини оширади”, - деди сотувни ютиб чиққан маҳаллий ширкат вакили Кэнитиро Намэрикава.
Ушбу аукцион Японияда янги мавсум ҳосили бошланиши муносабати билан режалаштирилган тадбирлардан биринчиси бўлди. Япон ОАВнинг таъкидлашича, қовунлар Японияда нуфузли совға ҳисобланади.