Япониянинг Toyoko Inn ширкати тошкентнинг “Чорсу” меҳмонхонасини ўз бошқарувига олиши мумкин
Тошкент. 15 июл. ЎзТАГ – Ўзбекистонга Toyoko Inn япон ширкатининг бошқаруви аъзоси Корибури Моринака бошлиқ делегация ташриф буюрди, деб хабар беради Ўзбек телеграф агентлиги (ЎзТАГ).
“Япон компанияси мана 2 йил давомида ўзбек бозорига чиқиш имкониятини кўриб чиқмоқда. Ҳозирда томонлар меҳмонхона иши соҳасида маълум лойиҳаларни амалга ошириш имкониятларини чамаламоқда. Хусусан, Toyoko Inn компанияси “Чорсу” меҳмонхонасини реконструкция қилиш ва фойдаланишга қизиқиш билдирмоқда”, - деб таъкидлашди “Ўзбектуризм”да.
Эслатиб ўтамизки, Япониянинг Toyoko-Inn компанияси уч юлдузли бизнес-меҳмонхоналар қуради. Ширкат Франция, Корея, Филиппин ва Камбожа сингари давлатларда 200дан ортиқ меҳмонхоналарга эга. Шунингдек, компания Франкфурт-Майн, Москва, Нью-Йорк, Чикаго ва Торонтода янги меҳмонхоналар қуриш ва мавжудларини қайта тиклаш билан шуғулланади.
