Ёзда Қирғизистонда барча турдаги бензинлар 1,5 қирғиз сўмига қимматлашади

Тошкент. 22 май. ЎзТАГ – Қирғиз ҳукумати бензиннинг акциз солиғини тоннасига 5 минг қирғиз сўмига қадар ошириб, ушбу ёқилғи тури нархларининг ўртача 1,5 сўмга кўтарилишини келтириб чиқарди, деб хабар берди Қирғиз телеграф агентлигига (КирТАГ) нефть сотувчилар ассоциацияси ижрочи директори Улан Кулов.

Жорий ҳафтада Вазирлар маҳкамаси бензинга акциз солиғини ошириш ҳақида қарор қабул қилди. 1 июндан бошлаб уни импорт қилувчилар олиб кирилаётган бир тонна бензин учун олдинги 3 минг қирғиз сўми эмас, балки 5 минг сўмдан тўлайдилар.

КирТАГ нефть сотувчилар ассоциациясига ушбу чора оддий қирғизистонликлар ҳаётида қандай акс этиши ҳақида изоҳ беришни сўраб мурожаат қилди.

“Акциз солиғи сотилаётган бензин қийматига киритилган. Ҳукумат қарори фақат бензинга тегишли ва 1 июндан кучга киради. Нархларнинг ошиши барча турдаги бензин турлари учун 1,5 сўмни ташкил этади. Акцизлар чегарада тўланади, ички бозор нархлари кейинроқ ошади”, - деб тушунтирди У.Кулов.

Қирғизистонда, 40 атрофида компаниялар Россиядан ёқилғи мойлаш материаллари олиб келиш билан шуғулланади.