Йил бошидан бери “Ўзбекэнерго” истеъмолчиларга 35,1 млрд кВт/с электроэнергия етказиб берди
Дата: 17:25, 16-10-2015.
Тошкент. 16 октябр. ЎзТАГ – Ўтган 9 ойда “Ўзбекэнерго” АЖ корхоналари истеъмолчиларга 35,1 млрд кВт/с электроэнергия, шунингдек, 5,8 млн Гкал иссиқлик энергияси етказиб берди, деб хабар беради Ўзбек телеграф агентлиги (ЎзТАГ).
“Ўзбекэнерго” АЖ маълум қилишларича, компания маҳсулот таннархини 2% пасайтирган, маҳсулот ва хизматлар кўрсатиш ҳажми экспорти 100,3% бажарилди. Маҳаллий хом-ашё асосида ишлаб чиқариладиган локализациялашган маҳсулот чиқариш режаси тўлиқ бажарилди.
Ўзбекистоннинг 2015 йилги Инвестиция дастури доирасида компания 26 йирик инвестицион лойиҳаларни амалга оширмоқда, улардан 8таси жорий йилда ишга туширилади.
