Йил бошидан бери “Ўзбектелеком” провайдерлар учун интернет-хизматлар тарифларни учинчи маротаба пасайтирди
Дата: 15:45, 24-02-2016.
Тошкент. 24 феврал. ЎзТАГ – “Ўзбектелеком” Акционерлик компанияси 17 февралдан бошлаб провайдерлар учун интернет-хизматлар тарифларини (ташқи канал) 1 Мбит/сга $141,94дан $136,34гача пасайтирди, деб хабар беради Ўзбек телеграф агентлиги (ЎзТАГ) компания сайтидаги маълумотга асосланган ҳолда.
Маълумотда жорий йилда тарифлар уч карра пасайтирилгани ҳам таъкидланган. Хусусан, 13 январдан 1 Мбит/сга $156,24гача, 1 февралдан $141,94гача ва 17 февралдан $136,34га қадар туширилган.
Эслатиб ўтамизки, 2015 йилда тарифлар қиймати 17 марта: январда 1 Мбит/сга $ 259,29дан декабрда $157,60гача пасайтирилган эди.
