Йил бошидан буён Тошкентда 446 дори-дармондан заҳарланиши ҳолати аниқланди
Тошкент. 10 июль. ЎзТАГ - Йил бошидан буён Тошкентда 446 та дори-дармондан заҳарланиши ҳолати аниқланди, дея хабар беради Ўзбек телеграф агентлиги (ЎзТАГ).
"2019 йилнинг олти ойи давомида "102"шошилинч тиббий хизматига одамларнинг заҳарланганлиги тўғрисидаги 679 та маълумот келиб тушган. Уларнинг 65,6 фоизи ёки 446 та факт дорилар билан заҳарланиш билан боғлиқ. Қолган 34,4% ёки 233 та факт спиртли ичимликлардан заҳарланиш (174 та ҳолат), ис гази (15 та ҳол) ва бошқаларга тўғри келади ", - дея қайд этилади Тошкент шаҳар Ички ишлар бошқармаси матбуот хизмати хабарида.
Таҳлиллар шуни кўрсатадики, кўпинча ўзбеклар реклама ёки Интернетдаги мақолани ўқиб бўлгач, ўзларига оғриқ қолдирувчи ёки тинчлантирувчи препаратлар, антидепрессант ва асаб ёки юрак-қон томир тизимлар учун бошқа препаратларни “ёзиб оладилар”. Шунингдек, эпилепсияни даволаниш учун мўлжалланган препаратларларни назоратсиз қабул қилиш оқибатида заҳарланиш ҳоллари ҳам мавжудлиги маълум.
"Доридан заҳарланишнинг сабаблари аниқ. Биринчидан, рекламанинг кўплиги. (...) Иккинчидан, кўплаб дориларни рецептсиз сотилиши, дорихоналар билан боғлиқ бўлган учинчи муаммо шундаки, улар соғлиқни сақлаш органларига бўйсунмайдилар ва шунинг учун фуқароларнинг соғлиғи учун бевосита масъул бўлган идора текшириш ва назорат қилиш мумкин эмас», -дейилади хабарда.
70% дан ортиқ заҳарланганлар аёллардир. Баъзилар ушбу дори-дармонларни ўзларининг норасида фарзандларига берганлар, бошқа ҳолатларда эса дори-дармонларни эҳтиётсизлик билан сақлагани учун улар болалари қўлига тушиб қолган. Таҳлиллар шуни кўрсатдики, 2019 йилнинг биринчи ярмида 7 ёшгача бўлган 36 нафар, 8 ёшдан 18 ёшгача бўлган 48 нафар бола заҳарланиш белгилари билан тиббиёт муассасаларига келтирилган.
Сурат манбаи: evrikak.ru
