Йил охирига қадар Тошкент ИЭС янги газбуғ қурилмаси ишга туширилади
Тошкент. 8 май. ЎзТАГ – Пойтахт ҳокимияти жорий йил охирига қадар Тошкент ИЭС янги газбуғ қурилмасини (ГБҚ) ишга тушириш ниятидалар, деб хабар беради Ўзбек телеграф агентлиги (ЎзТАГ).
“Биринчи бошланғич синовлар сентябрда амалга оширилади, янги ГБҚ томонидан ишлаб чиқарилган электр қуввати энерготизимга йил охирида берила бошлайди”, – деб таъкидлади ЎзТАГ мухбирига “Тошкент шаҳар электр тармоқлари корхонаси” бош инженери Дилмурод Сайдуллаев.
Тошкент ИЭС янги газбуғ қурилмасини ўрнатиш лойиҳасининг қиймати $511 млндан ошиқни ташкил этган. Уни амалга ошириш билан “Ўзбекэнерго” ДАК “SYNECTA a.s” ва “ISTROENERGO GROUP a.s” (Словакия), “CKD EXPORT” (Чехия), “SNC Lavalin” (Канада) компаниялари биргаликда шуғулландилар. Қурилманинг қуввати 370 МВт.
