Юк ташувлари бўйича Ўзбекистон МДҲда фақат Арманистондан ортда қолди
Дата: 09:34, 17-08-2016.
Тошкент. 17 август. ЎзТАГ – 2016 йилнинг биринчи ярмида Ўзбекистон Мустақил давлатлар ҳамдўстлиги (МДҲ) доирасида юк ташувлари бўйича (қувур транспортидан ташқари) фақат Арманистондан ортда қолди, деб хабар беради Ўзбек телеграф агентлиги (ЎзТАГ).
Жумладан, МДҲ Давлатлараро статистика қўмитаси маълумотларига кўра, 2016 йилнинг биринчи ярмида Арманистон фантастик натижа кўрсатган – 234,1%, Ўзбекистонда эса бу кўрсаткич 103,9% тенг.
Қирғизистон (103,8%), Украина (103,0%), Туркманистон (102,5%) ва Россияда (101,4%) бир оз ўсиш кузатилган. Қозоғистон (99,9%), Тожикистон (99,8%), Озарбайжон (98,8%), Беларусь (94,9%) ва Молдова (88,0%) салбий натижалар қайд этишган.
