“Ювентус” УЕФА Чемпионлари лигаси финалида “Барселона”га қарши ўйнайди

Тошкент. 14 май. ЎзТАГ – Мадриднинг “Реал” жамоаси билан 1:1 ўйнаган ҳолда туриннинг “Ювентус”и Берлинда “Барселона” билан Европанинг энг кучли жамоаси номи учун майдонга тушади, деб хабар қилади Ўзбек телеграф агентлиги (ЎзТАГ) УЕФА Чемпионлар лигаси яримфинал жавоб ўйинидан бир неча соат кейин.

Ўйин услуби билан кишини ўзига тортувчи “Реал”га ишқибозлик қилганимни яширмайман. Чунки аслида 1:0 ҳисобида ҳимоя кучини кўрсатиб дарвозасига беркиниб олишга қодир бўлган италян клубларидан бири бўлган “Ювентус”га қарши эдим.

Лекин ҳаёт ўз билганича ҳукм қилди. Мадридликларнинг хужумкор футболи туринликлар ҳимоясининг мустаҳкам қоясига бориб урилди.

Битта лекини бор…

“Реал”нинг кўпммиллионлик ўйинчиси Бэйл деярли ўта қулай вазиятлардан кетма-кет дарвоза тўсини ёнидан тўп тепа бошлагандан кейин каллада асли у англия чемпионатида ўйнайдими, деган савол пайдо бўлади. Нега у фақат дарвоза устига тепмаяпти, нега бир марта бўлса ҳам ер бўйлаб тепмаяпти? Вақти-вақти билан бу шунчаки тепа сочинингни тикка қилади.

Лекин гап фақат Бэйлда эмас.

Роналду ва Хамес, Марсело ва Чичаритоларга ҳам ҳеч қандай эътироз йўқ. Роналду йиқилаётиб тўпни Хамесга узатишга улгурди, Чичарито эса “Реал”га пенальти ишлаб берди. Роналду уни ижро қилди.

1:0.

Лекин кейин улар тезликни кескин пасайтирдилар ва рақиб хатосини кута бошладилар. Айнан шу қироллик клубининг асосий хатоси бўлди. Қарши хужум қилишнинг ўзи ҳеч нима бермайди – ундан унумли фойдаланиш ҳам зарур.

“Ювентус”га келсак, жамоа Чемпионлар лигаси финалига чиқиш учун қанча ўйнаш зарур бўлса, шунча куч билан ўйнади. Тевес мадридликлар ҳимоясини чалғитди, Моратога тўп узатди, у эса вазиятдан фойдалана олди.

1:1.

Ушбу ҳисоб ҳали анча вақт “Реал” бош тренери Карло Анчелоттининг тушларига кириб чиқади, деб ўйлайман. Чунки у унинг жамоасига мураббий истаган босқичга чиқишга имкон бермади. Чунки айнан Чемпионлар лигаси мавсумда у ўзини кўрсатиши мумкин бўлган сўнгги турнир эди.

Ўйлайманки, “Ювентус” бош тренери Массимилиано Аллегрининг тушига ҳам айнан юқоридаги ҳисоб кўп киради. Чунки ушбу ҳисоб унга кўп йиллик танаффусдан кейин Чемпионлар лигаси финалига чиқиш имконини берди. Энди унинг тренерлик мақомида қолиши ҳатто муҳокама ҳам қилинмайди.

Финал эса футболдаги “каттеначо” номли услубнинг юқори чўққиси бўлади. Бунда асосан ҳимояга катта ўрин ажратилиб, рақибнинг тактик хатоларидан фойдаланишга уринилади. Бу бироз зерикарлироқ бўлсада, ҳар ҳолда Месси-Суарес-Неймар учлиги ҳақиқий футбол кўрсатишидан ҳам умидимиз бор.