Юз-жағ соҳасида туғма нуқсонларга эга ўзбек болалари сингапурлик жарроҳлар томонидан операция қилинди
Тошкент. 17 ноябр. ЎзТАГ – Юз-жағ соҳасида туғма нуқсонларга эга ўзбек болалари сингапурлик жарроҳлар томонидан операция қилинди, дея хабар беради Ўзбек телеграф агентлиги (ЎзТАГ)
Бунга доир маълумот “Соғлом авлод учун” ҳалқаро нодавлат ҳайрия жамғармаси сайтида эълон қилинди.
Жорий йилда жамғарма “Operation Smile” хайрия ташкилотининг Сингапур бўлими билан биргаликда болаларни оператив соғломлаштиришга доир хайрия акцияси ўтказиш ҳақида келишув имзолади. Келишувга мувофиқ, 2014 йилнинг 13 ноябрида Сингапур Республикасининг малакали шифокорлари (30 нафар пластик жарроҳ, анестезиолог, ортодантист, педиатр-анестезиолог, педиатр, педиатр-реаниматолог ва бошқа мутахассислар) делегацияси Ўзбекистонга ташриф буюрди.
14 ноябр куни Тошкент педиатрия тиббиёт институти клиникасида юқори лаб ва қаттиқ танглайнинг туғма нуқсонлари бўлган болаларнинг умумий чуқурлаштирилган тиббий кўриги ўтказилди, 15-16 ноябр кунлари Тошкент педиатрия тиббиёт институти клиникасида юқори лаб ва қаттиқ танглайнинг туғма нуқсонлари бўлган болаларда жарроҳлик амалиёти ўтказилди.
Бундан ташқари, жамғармада ушбу акция Ўзбекистонда жорий йилда ўтказилган ана шундай иккинчи тадбир эканлигини эслатиб ўтишди. Октябрда Туркиялик мутахассислар республиканинг шарқий вилоятларидан юз нуқсонларига эга бўлган 100 болани операция қилинган эдилар.
