Ўз мухлисларим учун ҳар доим уч карра олимпиа чемпиони бўлиб қоламан – Артур Тажмазов
Тошкент. 5 декабр. ЎзТАГ – Ўз мухлисларим учун ҳар доим уч карра олимпиа чемпиони бўлиб қоламан, дея ҳисоблайди ўзбекистонлик курашчи Артур Таймазов, деб хабар беради Ўзбек телеграф агентлиги (ЎзТАГ) россия ОАВга асосланган ҳолда.
“Албатта, мен адолат тантанасига умид қилган эдим, лекин бу содир бўлмади. Менинг ғалабам ҳалол эди, мен ҳақимда қандай қарор қабул қилинишидан қатъий назар, ўз мухлисларим учун ҳар доим уч карра олимпиа чемпиони бўлиб қоламан. Бу қарорни умрида бир марта ҳам бадантарбия қилмаган одамлар қабул қилаётгани алам қилади. Улар Олимпа чўққисига чиқаётган спортчи нималардан ўтишини ҳатто тасаввур ҳам қила олмайдилар. Улар спортни нима қилаётгани шунчаки ғайриинсоний”, - деб иқтибос келтиради ТАСС Таймазовнинг Спорт арбитраж судининг (CAS) у берган апелляцияни рад қилганини изоҳлай туриб айтган сўзларидан.
Эслатиб ўтамизки, 4 декабрда Спорт арбитраж суди Артур Таймазовнинг Халқаро Олимпиа қўмитаси (ХОҚ) уни Пекин-2008 Олимпиа ўйинларининг олтин медалидан маҳрум қилиш ҳақидаги қарорига берган аппеляциясини рад этди.
ХОҚ 2017 йил 31 мартда Таймазовни унинг қонида таъқиқланган моддалар излари топилганидан кейин 120 кглик вазн тоифасида қўлга киритилган олимпиа совринидан маҳрум қилган эди. Апрелда курашчи ХОҚ қарорига қарши CASга аппеляция шикояти ёзган эди.
Артур Таймазов кураш тарихида энг совринли спортчилардан бири. Шимолий Осетиянинг Ногир қишлоғида туғилган спортчи уч олимпиа ўйинлари (2004, 2008, 2012), Сиднейдаги 2000 йилги ўйинларнинг кумуш медали совриндоридир. Таймазов 2016 йилда Россия Федерациясининг Давлат Думасига сайланган.
Бирлашган кураш уюшмаси (UWW) Таймазовнинг натижалари бекор қилинганидан кейин 2017 йил 6 апрелда россиялик Бахтиёр Аҳмедовга 2008 йилги Олипиа ўйинларининг олтин медали ғолиби унвони берилганини маълум қилган эди.
