Замонавий исроил балети ДАКТ саҳнасида чиқиш қилади

Тошкент. 30 апрель. ЎзТАГ – 2 май куни исроилнинг “VERTIGO” замонавий рақс компанияси Тошкентда “Palette of Ballet” балет фестивали доирасида чиқиш қилади, деб хабар беради Ўзбек телеграф агентлиги (ЎзТАГ).

Бу ҳақда Исроилнинг Ўзбекистондаги элчихонаси матбуот хизмати хабар қилди.

А. Навоий номидаги Давлат академик катта театри (ДАКТ) саҳнасидаги “ONE, ONE & ONE” рақс томошаси Исроил Давлатининг Мустақиллигининг 70 йиллиги ва Ўзбекистондаги Исроил кунларига бағишланган.

Эслатиб ўтамизки, “VERTIGO” икки исроиллик хореограф – Ноа Вертхайм ва Ади Шаал томонидан 1992 йилда Қуддусда ташкил этилган. Шаал ва Вертхайм ўртасидаги биринчи профессионал ҳамкорлик Vertigo номли кичик дуэт эди. Ушбу чиқишдан кейин уларга худди шу ном остида ўз компаниясини яратиш ғояси келди.

Вертхайм и Шаал vertigo деганда инсон ўзида ҳам физиологик жиҳатдан, ҳам инсонлар билан муносабатларда ниманингдир устидан, ўз ҳаётидаги ҳодисалар ёки воқеалар устидан назоратни йўқотиб қўядиган пайтнинг маъносини тушунадилар.

Компания замонавий рақснинг Европа стандартларига мувофиқ ишлайди. Кўпинча саҳна томошаларининг мавзуси ижтимоий муаммолар бўлади. Труппанинг турли мамлакатлардан келган ва турфа хореографик тажрибага эга бўлган раққослари нафақат юксак техник маҳоратга эга, балки томошаларнинг моҳиятига маданиятлараро характер киритадилар.

Сурат манбаи: http://platonovfest.com/programm/253