Ўзбек агентлиги янги ғоялар танловини эълон қилди
Тошкент. 27 август. ЎзТАГ – Ўзбекистон Интеллектуал мулк агентлиги “Ихтиролар”, “Фойдали моделлар”, “Саноат намуналари”, “Дастурий таъминот” йўналишлари бўйича энг яхши интеллектуал мулк объектига конкурс эълон қилди, дея хабар қилади Ўзбек телеграф агентлиги (ЎзТАГ).
Агентликдан хабар қилишларича, конкурс 2014 йилнинг 1 сентябридан 2015 йилнинг 1 апрелига қадар ўтказилади. Талабномалар 2015 йилнинг 1 январигача қабул қилинади, ғолибларни тақдирлаш маросими эса апрелда бўлиб ўтади.
Танловга Ўзбекистонда тегишли рўйхатга олинган интеллектуал мулк объектлари, шунингдек, кейинги уч йил ичида маҳаллий ишлаб чиарувчилар томонидан яратилган дастурий маҳсулотлар қабул қилинади.
Тақдим қилинган ихтиролар энергия ва ресурсларни тежаши, замонавий технология ва материалларнинг қўлланилганлиги, экологик жиҳати, ижтимоий аҳамияти (меҳнат шароитларини яхшилаш) каби меъёрлар асосида баҳоланади. Бундан ташқари, объектнинг ишлланганлик даражаси, экспортга йўналтирилганлиги ва импорт ўрнини босиши ҳам ҳисобга олинади.
