Ўзбек автомобиль ва дарё транспорти агентлиги юк ташувчиларни ГФР ишлашнинг ўзига хосликлари ҳақида огоҳлантирди

Тошкент. 11 феврал. ЎзТАГ – Ўзбек автомобиль ва дарё транспорти агентлиги (ЎзАДТА) ўз расмий сайтида юк ташувчилар учун ГФР ишлашнинг ўзига хосликлари ҳақида хабар қолдирди, дея хабар беради Ўзбек телеграф агентлиги (ЎзТАГ).

Унда таъкидланишича, 2015 йил 1 январдан бошлаб, ГФРда “Энг кам иш ҳақи тўғрисидаги қонун” кучга кирган.

Эндиликда ГФР ҳудудида фаолиятини амалга ошираётган хорижий корхоналар ўз ходимларига улар ушбу мамлакат ҳудудида бўлган пайтларида Германияда қонун томонидан белгиланган энг кам иш ҳақи – соатига 8,5 евро ҳақ тўлашлари керак.

Бунга доир батафсилроқ маълумотларни Германия Меҳнат ва ижтимоий таъминот федерал вазирлиги сайти www.der-mindestlohn-gilt.de манзилидан олиш мумкин.

ЎзАДТА Ўзбекистон халқаро автомобиль ташувчиларини ГФР ҳудуди бўйлаб юк ташувларини амалга оширишда юқоридаги маълумотни ҳисобга олишни сўрайди.