Ўзбек автомобиллари тожик бозорига чиқиши мумкин
Тошкент. 26 октябр. ЎзТАГ – Ўзбекистонда ишлаб чиқарилган автомобиллар тожик бозорига чиқиши мумкин, деб хабар беради чооршанба куни Тожик телеграф агентлиги (ТожикТА).
“Ҳозирда Ўзбекистонда ишлаб чиқарилган автомобилларни тожик бозорида сотиш учун ишлар амалга оширилмоқда”, - деди яқинда Душанбеда ўтказилган брифингда Ўзбекистоннинг Тожикистондаги элчиси Шоқосим Шоисломов.
Унинг сўзларига кўра, Ўзбекистонда АҚШ, Япония, Германия ва Кореянинг етакчи автомобиль концернлари билан биргаликда қўшма ишлаб чиқаришлар ташкил этилган.
Бундан ташқари, Ўзбекистон элчиси келажакда тадбиркорлар қизиққан тақдирда ички эҳтиёжни таъминлаш мақсадида маҳаллий хом ашёларни қайта ишлаш бўйича қўшма корхоналар ташкил этиш имконияти пайдо бўлиши мумкин.
