Ўзбек банки биринчи марта жаҳон фонд бозорига чиқишни режалаштирмоқда
Дата: 16:33, 11-07-2018.
Тошкент. 11 июл. ЎзТАГ – “Ўзсаноатқурилиш” АТ ўзбек банки сармоя киритишда воситачилик йўналиши бўйича Freedom Finance халқаро компанияси билан ҳамкорликни йўлга қўйди, деб хабар беради Ўзбек телеграф агентлиги (ЎзТАГ) молия муассасасининг матбуот хизматига таянган ҳолда.
Унинг якунлари бўйича Freedom Finance ширкати “Ўзсаноатқурилиш” АТБнинг қимматли қоғозлар билан битимлар ва молия операциялари, қимматли қоғозлар ва пул маблағларининг ҳисоб-китоби, шунингдек, банкка янги инвестор ва акционерларни жалб қилиш бўйича фаолиятини амалга ошириши кутилмоқда.
Эслатиб ўтамизки, Freedom Finance компанияси Америка, Россия ва Қозоғистон фонд бозорларида ишлаш бўйича кўп йиллик тажрибага эга.
Сурат манбаи: http://uznews.uz/ru/article/9014
