Ўзбек баскетболчи қизлари Қозондаги III Бутунжаҳон ёш ватандошлар ўйинларида “кумуш”ни қўлга киритди

Тошкент. 24 май. ЎзТАГ – Ўзбекистон баскетболчи қизлари жамоаси Қозонда (Россия) 14-20 майда бўлиб ўтган III Бутунжаҳон ёш ватандошлар ўйинларида “кумуш”ни қўлга киритди, деб хабар беради Ўзбек телеграф агентлиги (ЎзТАГ).

Бундан ташқари, теннис бўйича яккалик баҳсларида ўзбекистонлик Румия Лутфуллина учинчи ўринни олди.

Тошкентдаги Россия фан ва маданият марказида (РФММ) Қозондан қайтган спортчилар билан учрашув бўлиб ўтди.

Ўзбекистон баскетболчи қизлари жамоаси Россотрудничество кўмагида ушбу мусобақалардан биринчи марта қатнашаётгани йўқ.

РФММ маълумотига кўра, жорий йилда ўзбекистонлик спортчилар делегацияси баскетбол, стол тенниси ва шахмат бўйича мусобақаларда қатнашди.

РФММ раҳбари Виктор Шуликанинг айтишича, ўзбекистонлик жамоа тадбирда Пушкин институти томонидан ўтказилган “Диалоги на русском” интеллектуал ўйинида ҳам яхши қатнашган.

Ўйинда иштирокчилар рус тили, маданияти, тарихи, географияси бўйича билимларини намойиш қилишган, ўзбек жамоаси эса 3-ўринни эгаллаган.

2017 йили мусобақаларда жами 48 мамлакатдан 600 ортиқ болалар қатнашди.