Ўзбек бизнеси Россиядаги агрокўргазмага таклиф этилди

Тошкент. 3 июл. ЎзТАГ – Ўзбекистон Савдо саноат палатаси тадбиркорларни Россиядаги “Олтин куз 2017” агросаноат кўргазмага таклиф этмоқда, деб хабар беради Ўзбек телеграф агентлиги (ЎзТАГ).

Анъанавий тадбир Москвада БХХЮ ҳудудида 4-7 октябрда 19-марта бўлиб ўтади.

ССП маълумотига кўра, кўргазма Россия Федерацияси қишлоқ хўжалик вазирлиги томонидан ташкил этилади.

Кўргазма Россия Федерациясининг асосий аграр форуми ҳисобланади ва РФ қишлоқ хўжалик ишлаб чиқарувчиларининг ютуқларини намойиш қилиш, манфаатли алоқалар ўрнатиш, Россия Федерацияси субъектлари ва яқин ва олис хориж мамлакатлари ўртасида савдо ва кооперация алоқаларини кенгайтириш мақсадида ўтказилади.

Кўргазма ишида Россия Федерацияси ва хорижий мамлакатлардан бўлган 2 мингдан зиёд корхона ва ташкилотлар иштирок этадилар. Иштирокчилар энг яхши сармоя лойиҳалари, озиқ овқат ва қайта ишлаш саноатининг энг яхши намуналарини намойиш этувчи миллий экспозициялар, қишлоқ хўжалик техникаси, ускуна ва маҳсулотларини тақдим этадилар.

Ҳудудларнинг иқтисодий, инновацион, экологик, , логистик жиҳатларни қамраб олувчи тизимли комплек лойиҳаларга алоҳида эътибор қаратилади.

Дастурнинг асосий тадбири Агробизнесфорум бўлиши кутилмоқда.