Ўзбек боксчиси Дон Кинг билан шартномани бекор қилди

Тошкент. 2 июнь. ЎзТАГ – Ўзбекистонлик енгил вазнли (61,2 кггача) профессионал боксчи Баходир Мамажонов (14-1-0, 10KO) америкалик афсонавий промоутер Дон Кинг билан шатномасини бекор қилди, деб хабар беради 12news.uz нашри.
WBA International камари соҳиби Мамажонов Кинг билан шартномаси ўтган йилнинг май ойида ўзбек боксчисининг кубалик Анжело Сантана устидан ғалабасидан кейин имзоланган эди. Мамажоновнинг сўзларига кўра, битимнинг бузилишига Дон Кинг томонидан шартнома шартларининг бажарилмаганлиги сабаб бўлган.
“Дон Кинг бир йил ичида иккита жанг уюштириши, улардан бири АҚШда, бири эса Ўзбекистонда бўлиши керак эди. Кинг ушбу шартларни уддалай олмади. Ҳозирда менежер ва мураббийим Кен Ричардсон билан машғулотларни давом этяпман. 27 июнда Хьюстонда (Техас, АҚШ) навбатдаги жангни ташкиллаштирмоқчимиз. Ушбу кечада яна бир ўзбек боксчиси – оғир вазн тоифасидаги (90,7 кгдан ошиқ) Ахрор Муралимов (15-0-0, 12KO) UBF International белбоғи учун уришади”, - деб иқтибос келтиради АҚШ ОАВ 26-ёшли Мамажоновнинг сўзларидан.
Мамажонов Фарғона бокс мактабининг вакили бўлиб, ўз вақтида ҳаваскорлар орасида 200дан зиёд жанглар ўтказган ва халқаро ва қитъа мусобақаларининг ғолиби бўлган, деб ёзади нашр.