Ўзбек боксчиси Рио Олимпиадасининг 1/4 финалида техник нокаут билан ғалаба қилди
Тошкент. 17 август. ЎзТАГ – 21 ёшли ўзбек боксчиси Муроджон Аҳмадалиев (56 кггача вазн тоифаси) Рио Олимпиадасининг 1/4 финалида 26 ёшли аргентиналик спортчи Альберто Мелиана устидан техник нокаут билан ғалаба қилди, деб хабар беради Ўзбек телеграф агентлиги (ЎзТАГ).
Жанг жуда тез якунланди. Альберто ўзбекистонлик боксчига кескинлик билан ташланди, Муроджон бошида эҳтиёткорона ҳаракат қилди, лекин бир неча зарбалар ва гап алмашинишлардан кейин аргентиналикни рингга қулатди.
Ҳакам вақтни ҳисоблай бошлади, Мелиан жангни давом эттирди, лекин ўзбек боскчисининг рақиби бир неча кучли зарбаларни ўтказиб юборди, шундан сўнг рефери жангни тўхтатишга қарор қилди.
Энди Ўзбекистон вакили яримфиналда кубалик Робейси Рамирес билан рингга тушади. Жанг 18 августда бўлиб ўтади.
Эслатиб ўтамизки, бугунги кунга келиб Ўзбекистон термаси 6 совринни қўлга киритди. Булардан 2 олтин (Руслан Нурудинов, Ҳасанбой Дўсматов) ва 4 бронза (Ришод Собиров, Диёрбек Ўрозбоев, Рустам Тўлаганов, Елмурат Тасмурадов) медаллардир. Терма жамоа медаллар ҳисоби бўйича 26-ўринда бормоқда.
