Ўзбек божхоначилари қиймати 94 млн сўм атрофида бўлган 2 кгдан зиёдлик тилла буюмларни олиб қўйдилар

Тошкент. 3 март. ЎзТАГ – 2017 йилнинг ўзган даврида Тошкент аэропортининг божхоначилари 20 қонунбузарлик фактини аниқлаб, улар доирасида қиймати 94 млн сўм ($13,5 минг) атрофида бўлган 2 кгдан зиёдлик тилла буюмларни олиб қўйдилар, деб хабар қилади Ўзбекистон Республикаси Давлат божхона қўмитаси ахборот хизматига асосланган ҳолда.

“Тошкент-Деҳли” йўналишидаги парвоз олдиндан самарқандлик Ж.Аҳадов 11,5 млн. сўмдан ($1,6 минг) ортиқ қийматдаги 180 гр. тиллани яширин йўллар билан олиб чиқишнинг антиқа йўлини танлади. Унинг шими тугмалари ясама тарзда олтиндан қўйилгани ва божхоначиларни чалғитиш мақсадида устидан бўялгани аниқланди.

Бундан ташқари, “Истанбул-Тошкент” рейси бўйича парвозини якунлаган Ш.Маматкулова дастлабки маълумотларга кўра қиймати 3,3 млн сўмдан ($500) ортиқ бўлган 54 гр.дан ортиқ заргарлик буюмларини худди шу усулда олиб киришга уринган пайтда тўхтатиб қолинди.

Шахсий кўрикдан ўтиш давомида божхоначилар ва холислар қаршисида уялиб қолганлардан яна бири – Х.Ахмедовадир. Ушбу шахс ички аъзоларига яширганча қиймати салкам 5 млн. сўмлик ($700дан зиёд), 60 гр.дан ортиқ заргарлик буюмларини Бокуга олиб чиқишни реэалаштирган.

 "Тошкент-Деҳли” йўналишида учатган Д.Ходжибекова ва унинг синглиси Д,Мусабековалар ҳам божхоначиларнинг кўзини шамғалат қилишга уриниб, йирик миқдордаги қуйма тиллаларни ички аъзоларига яширганча олиб чиқаётган пайтда тўхтатиб қолинди. Шахсий кўрикдан ўтказиш давомида Д.Ходжибекова оғирлиги 298 гр.га тенг 3 дона қуйма тиллалар, Д,Мусабекова эса 253 гр. оғирликдаги 3 дона қуйма тиллаларни ноқонуний равишда олиб чиқишга урингани маълум бўлди. Бу ҳам етмаганидек, ушбу шахслар картошка чипслари ва ярим тайёр угра қадоқлари ҳамда маҳсиларнинг ичига яширганча 2 турдаги 630 қутидан ортиқ сигаретларн ҳам олиб чиқишаётган экан.

Ҳозирда мазкур ҳолатлар юзасидан божхона текширувлари ва суриштирув жараёнлари давом эттирилмоқда.