Ўзбек божхоначилари кодекснинг янги таҳририни амалда қўллашни муҳокама қилдилар
Тошкент. 19 сентябр. ЎзТАГ – Давлат божхона қўмитасининг Тошкент шаҳар божхона бошқармасида Ўзбекистон Республикасининг янги таҳрирдаги Божхона кодексини тарғиб қилиш ва амалиётда қўлланиши масалаларига бағишланган давра суҳбати бўлиб ўтди, деб хабар беради Ўзбек телеграф агентлиги (ЎзТАГ).
ДБҚ маълумотларига кўра, муҳокама “Тошкент-Аэро” ихтисослаштирилган божхона комплекси томонидан Ўзбекистон Республикаси Олий Мажлис Қонунчилик палатаси, Божхона брокерлари ассоциацияси билан ҳамкорликда ўтказилди.
Янги таҳрирдаги Божхона кодекси Янги таҳрирдаги Божхона кодекси божхона расмийлаштируви барча иштирокчиларининг ваколатларини аниқ белгилаш, соҳага АКТ жорий этиш, интерактив хизматлар кўрсатиш, Янги ўзгартишлар ташқи иқтисодий фаолият иштирокчилари учун экспорт-импорт билан боғлиқ жараёнларни янада осонлаштириши таъкидланди.
Шу билан бирга, ушбу кодекс халқаро стандартлар бўйича божхона қоидаларига, Киот конвенциясига, БСТнинг Тарифлар ва савдо бўйича бош келишувига уйғунлаштирилган.
Янги таҳрирдаги Божхона кодекси қабул қилиниши муносабати билан божхона соҳасига оид 1,3 мингдан ортиқ норматив-ҳуқуқий ҳужжатлар инвентаризациядан ўтказилиб, қайта ўрганиб чиқилди.
