Ўзбек дастурчилари Telegramнинг муқобилини ишлаб чиқдилар
Тошкент. 3 март. ЎзТАГ – Star Palete ўзбек компанияси дастурчилари Galagram мобил ва компьютер иловасини ишлаб чиқдилар, деб хабар беради Ўзбек телеграф агентлиги (ЎзТАГ).
“Galagram – Android, BlackBerry, IOS, Simbian, Windows Phone платформларидаги смартфонлар ва Windows ва Linux компютерларида ишловчи кроссплатформали мессенжердир.
Унинг орқали матнли материаллар, расмлар, овозли смайлчалар, фото-, видео- ва аудиохабарлар юбориш, бешта ёки ундан ортиқ кишилар учун видеоконференциялар ташкил қилиш, шунингдек онлайн ўйинлар ташкил қилиш, халқаро кириш ва чиқиш қўнғироқларини амалга ошириш мумкин.
Сервис халқаро бозорга мўлжалланган бўлиб, мултитил (инглиз, рус, ўзбек, хитой ва б.)
интерфейсига эга. Фойдаланувчиларнинг аккунтлари телефон рақамларига уланади.
Сервисда рўйхатга олиш ва кейинчалик янги қурилмаларни авторизация қилишда кодли СМС-хабар юбориш орқали телефон рақами текширилади. Олинган код мазкур аккаунт учун янги мижоз иловасини авторизация қилади.
