Ўзбек делегацияси Туркия президентининг инаугурациясида иштирок этади

Тошкент. 9 июл. ЎзТАГ – Олий Мажлиси Сенатининг раиси Ниғматилла Йўлдошев бошчилигидаги Ўзбекистон делегацияси Анқара шаҳрида Режеп Таййип Эрдўғоннинг Туркия Республикаси Президенти лавозимига киришиш маросимида иштирок этади, деб хабар беради Ўзбек телеграф агентлиги (ЎзТАГ).

Бу ҳақида Ўзбекистон ТИВ матбуот хизмати хабар бермоқда.

Эслатиб ўтамизки, 24 июн куни Туркияда муддатидан олдинги президентлик ва парламент сайловлари бўлиб ўтди. Умумхалқ сайловлари белгиланганидан деярли бир ярим йил олдин бўлиб ўтди: Туркияда сайловлар 2019 йилнинг ноябрида ўтказилиши керак эди. Оммавий ахборот воситаларининг хабар беришича, Эрдўғоннинг сўзларига кўра, бу қарор мамлакат зудлик билан ижроя президентлигига ўтиши кераклиги билан боғлиқ.

Президентлик сайловларида олти номзод иштирок этди, уларнинг орасида амалдаги давлат раҳбари Режеп Таййип Эрдўғон ҳам бор.

Унга энг кучли рақиб – мухолифатдаги сўлмарказий Халқ республика партиясидан (Отатурк партияси) номзод Муҳаррем Инже бўлди. Кўпчилик айнан у Эрдоған билан 8 июл куни бўлиб ўтиши мумкин бўлган иккинчи босқичда иштирок этишини тахмин қилган эди.

Сайлов натижаларидан бири шу бўлдики, овоз беришдан кейин турклар референдумда камида бир йил олдин – 2017 йилнинг апрелида овоз берган конституцион ўзгартиришлар кучга киради. Шундан сўнг Туркия парламент республикасидан президентлик республикасига айланади, давлат раҳбари эса кенг ваколатларга эга бўлади.

Сурат манбаи: https://www.themalaysianinsight.com/bahasa/s/28141/