ЎзТАГ
Ўзбек телеграф агентлиги

Ўзбек дзюдочилари Куба Гран-присида бешинчи ўринни олдилар

Дата: 18:02, 25-01-2016.

Тошкент. 25 январ. ЎзТАГ – Ўзбек дзюдочилари учун мавсумдаги илк турнир бўлган 2016 йилги Куба Гран-присида бешинчи ўрин билан якунланди, деб хабар беради Ўзбек телеграф агентлиги (ЎзТАГ).

Дзюдо федерациясидан хабар қилишларича, Шарафиддин Лутфиллаев (-60 кг) бош совринни олишига бир баҳя қолди. У “бронза” учун курашда озарбайжонлик Абу Дабидаги 2014 йилги “Катта дубулға” турнири ғолиби Орхан Сафаровга енгилди.

Гулноза Матниёзова (-70 кг) ҳам учинчи поғонани эгаллаши мумкин эди. Бунга француз курашчи қизи, Бокудаги 2015 йилги “Катта дубулға” турнири бронза медали соҳиби Еве Мария Гайе монелик қилди.

Эслатиб ўтамизки, Куба Гран-приси 22 январда бошланди. Унда дунёнинг 59 мамлакатидан 423 дзюдочи (257 эркак ва 166 аёл) иштирок этди. Улар муҳим рейтинг балллари учун курашдилар. Ўзбекистон термаси мусобақада 11 спортчи билан қатнашди.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди